ზრდასრულ ადამიანში შინაგანი ბავშვის სამი ტიპი არსებობს:
- მოწყვლადი
- გაბრაზებული ან იმპულსური
- ბედნიერი ბავშვი
შინაგანი ბავშვის მდგომარეობები მონაცვლეობით იჩენს თავს სხვადასხვა სიტუაციაში. ამ დროს უნებლიეთ ცოცხლდება ბავშვობის გამოცდილებები და ემოციური მდგომარეობები. ადამიანის ქმედებები კი განპირობებულია ბავშვობისდროინდელი გამოცდილებებით.
მოწყვლად შინაგან ბავშვს ახასიათებს:
- შფოთვა, სევდა;
- სიმარტოვის განცდა;
- მიტოვების შიში;
- სასოწარკვეთა;
- უმწეობისა და სირცხვილის განცდა;
- თავს გრძნობს შეურაცხყოფილად და დამცირებულად;
- აქვს დამოუკიდებლად გადაწყვეტილების მიღების სირთულე.
გაბრაზებულ ან იმპულსურ შინაგან ბავშვს ახასიათებს:
- გაღიზიანება, სიბრაზე ან განრისხება;
- იმპულსურობა;
- დაუმორჩილებლობა;
- სიჯიუტე;
- დისციპლინასთან დაკავშირებული სირთულეები;
- თავნება და განებივრებული დამოკიდებულება.
ბედნიერი შინაგანი ბავშვი:
- მხიარული, ლაღი და თავდაჯერებულია;
- მარტივად და ცნობისმოყვარეობით უყურებს მოვლენებს მის ირგვლივ;
- უყვარს გართობა, ახალი გამოცდილებების მიღება;
- აქვს უსაფრთხოების განცდა.