Aisi 
შენი გზამკვლევი ახალი აღმოჩენებისკენ
ჩვენ შესახებ
აისი ყველასთვის ხელმისაწვდომი, უფასო ციფრული ფსიქოსაგანმანათლებლო სივრცეა, რომელიც ფსიქოსოციალური და სამედიცინო რეაბილიტაციის ცენტრის - GCRT ინიციატივით შეიქმნა.
ის გთავაზობთ მტკიცებულებაზე დაფუძნებულ ცოდნასა და უახლეს ინფორმაციას ფსიქიკური ჯანმრთელობის სფეროში მომუშავე სპეციალისტებისგან.
აისის მიზანია ხელმისაწვდომი გახდეს ხარისხიანი, სანდო და გადამოწმებული ინფორმაცია ფსიქიკური ჯანმრთელობისა და კეთილდღეობის შესახებ, რომელიც ხელს შეუწყობს საკუთარი ემოციების ამოცნობას, მართვასა და საკუთარ თავზე ზრუნვის პრაქტიკების დანერგვას ყოველდღიურ ცხოვრებაში. Გზამკვლევი, მეგზური და მხარდამჭერია, თუ როგორ ამოვიცნოთ ყოფითი სირთულეები, გავაძლიეროთ ჩვენი რესურსები, ვიყოთ აქ და ამჟამად და დავუახლოვდეთ საკუთარ თავს, დავინახოთ, გავაცნობიეროთ და შევიგრძნოთ მისი მთლიანობა.
აისის გუნდი ყოველკვირეულად ამზადებს საინფორმაციო მასალას სტატიების, ქარდების, სთორებისა და ვიდეოების სახით იმ თემებზე, რომლებიც ყველაზე აქტუალური და მნიშვნელოვანია. Სანდო ინფორმაციასთან ერთად, განსაკუთრებული ყურადღება ეთმობა ვიზუალურ ენას, რაც კიდევ უფრო გამორჩეულსა და ხელშესახებს ხდის გაზიარებულ ინფორმაციას, რომელიც დიდი სიყვარულითა და ზრუნვით მზადდება აისის აუდიტორიისთვის.
აისი დასაწყისია.
მომენტია, როდესაც მარტო ხარ საკუთარ თავთან და ამავდროულად ერთიანი სამყაროსთან.
მდგომარეობაა, როდესაც სრულად გრძნობ საკუთარ მთლიანობას.
წამია, რომელიც გეკუთვნის.
არჩევანია, რომელსაც ახლა აკეთებ.